Hamelingo txirularia Arantzan

Arantzako eskolan 2013ko Urtarrilan sortu eta taularatutako bertso antzerkia.

Patxi Errementaria Narbarteko eskolan

2013ko Maiatzan Narbarteko eskolan sortu ta antzeztutako bertso ipuina. Patxi errementaria ipuinean oinarritutako ixtorioa kontatzen dugu.

Orti Porrotxekin buruz buru!

Ieup!
Hemen esklusiban, Ortik atzo Porrotxekin egindako lanaren zatitxo bat...
DVDa eskuragarri daonen abistuko!

2-4 oin eskolarteko 2011

3 txerritxo Igantzin, irakasle ta guzi!

Irakasleak ikasle papera hartu zuen bertso ikastaro guztian zehar. Baita bertso antzerkian ere!

Ea letra topatzen dudan bertze ordenagailuan!

Txanogorritxo Igantzi 2009

Bertsoen egilea: Leire Ostolaza
Antzezleak: Igantziko eskolako 5. eta 6. (2009an)
0. Narratzaileak
Ba omen zen behin neska txiki bat,
zeinen alaia zen gogoan daukat:
nahiz jolasten zekien ederki,
handiagoen lanak nahi beti.
Hau zoriona,
begitxoetatik zeriona,
entzunda amak esan ziona:
1. Amak
Aizu, alaba Txanogorritxo,
tori eztia ta hiru opiltxo,
gaixorik dago amona xaharra,
badauka bilobaren beharra,
zoaz, mugitu!
Loretxoak biltzen ez gelditu,
bestela otsoak jango baitzaitu.
2. Txanogorritxok
Ama banoa ta gero arte
Amak:
azkar joan ta kontuz ibil zaite;
amona han izango duzu zai,
goseak ez da egongo lasai.
Tori bi musu,
opiltxoak hartu al dituzu?
Amona ondo zaindu ezazu.
3. Txanogorritxok
Tralatralarai, tralatralarai,
amonarengana nijoa alai,
hartu ditut nire loretxoak,
eta salto egin dit otsoak.
Susto itzela…
utzi nauzu harria bezela,
zergatik irten zara horrela?
4. Otsoak
Ume polita, hau da zortea,
biok baso honetan egotea;
nora zoaz otarra horrekin?
mesedez, joan nahi dut zurekin;
bi bide daude
eta, nirekin ados bazaude,
egin apustu motzaren alde.
5. Otsoak
Amonatxoa, jada heldu naiz,
zugana beti iristen naiz garaiz:
azkar zabaldu zazu atea,
nahi nuke askaria jatea,
Amonak:
Sartu, biloba,
zu ikusteko zenbat denbora,
zatoz, polita, nire ondora.
6. Otsoak
Nire askari zu zara eta
zu jateko hartu nahi nuke beta…
amona zein goxoa dagoen…
mozorro nadin ahal den ondoen.. .
Txanogorritxok:
Kaixo, amona,
aurrenengo iritsi naiz hona
ta dakarkizut askari ona.
7. Txanogorritxok
Ene, amona, harritzekoa!
Sudurra duzu otso antzekoa,
ta belarriak oso handiak,
amona batentzat gehiegiak,
eta ahoa:
bestetan baino handiagoa…
Zuk bai duzula gaitz arraroa.
8. Otsoak:
Sudurra daukat zu usaintzeko
eta belarriak zuri entzuteko,
ahoa duzu hurrengo kezka,
mesedez, ez zaitez joan iheska,
jango zaitut nik…
Amona tripan daukat jadanik
eta goseak nago oraindik.
9. Txanogorritxok:
Ama, lagundu! Ama, lagundu!
Otso gaizto honek amona jan du!
Norbait etor dadila, mesedez,
edozer emango nuke ordez!
Ehiztariek:
Zu egon lasai,
bagara amona salbatzeko gai
eta otsoa hiltzeko ere bai.
10. Narratzaileak:
Biak salbatu ondorenean
ito zuten erreka bazterrean,
eta denak jarri ziren pozik,
guztiak gure otsoa ezik.
Hola izan zan,
eta sartu ziren kalabazan
ta atera Igantzin, herriko plazan.

2009 Nafarroako finala, desenpatea

Nik uste saio honetako giroak klaseetan jartzeko modukoa dela. Ofizioa lantzeko adibidez.

Desenpatea

Julio Soto eta Xabier Silveira

Kiniela asmatzeko azken partiduan zuen ekipoak jokatzen du. Galduz gero mailaz jetxiko da zuk Xabi nahiago duzu partidua irabazi eta kiniela galdu. Juliok berriz nahiago du partidua galdu eta kiniela irabazi.

Silveira

Hau espektakuloa

hau ikuskizuna

hogeitabi hankengan

erantzunkizuna

dirua da gehin bat

jokoan duguna

baina irabaztea da

komeni zaiguna

diruaren gainetik

dago osasuna (Osasuna?)

Julio

Osasuna gorri ta

nik gorri odola

daukat une honetan

ze arranopola

kiniela finean zer

dugu ba tonbola

nik aberastu nahi dut

sakela ta hola

hortik aurrerakoak

neri bost axola

Silveira

Irteera hoiekin

nahiz zutaz kupira

dirua besterikan

ez duzu desira

bi miloi terdi bizi

hontan ez da aunitz ba

bertsotan hori lortu

genezake di da

Lizaso ta Egaña

hola bizi dira

Julio

A ze etorkizuna

dudan halajaina

gora Osasuna, Betis,

Erregea, España

gaur Real Madrilek eman

diezaiola kaña

nahiz ateratzen duten

bizitzeko aina

zu ez zara sebastian

ta ni ez naiz Egaña

Silveira

Berriz ikusten zaitut

arrazoiez pattal

saio normal batean

nioke subnormal

ze arrazoitze klase

dabilkizu txabal

zu etzara Krutxaga

ta ni ez naiz Puñal

galdu o irabazi

igual igual igual

Julio

Deskonzentratu zara

badaukat susmoa

zuri min ematea

ez nuen asmoa

oinpean izango dut

bizi erritmoa

nahi hainbat zorion ta

nere erritmoa

zuk jarraitu segundan

ni kubara noa